Շփումը կանանց օգնում է նվազեցնել սրտանոթային հիվանդություններից մահվան վտանգը:
Menopause ամսագրում հրապարակված հոդվածում նշվում է, որ ամերիկացի գիտնականները այսօրվա դրությամբ ամենախոշոր հետազոտությունն են անցկացրել, պարզելու համար, թե ինչպես է սոցիալական աջակցությունն ազդում կանանց շրջանում սրտանոթային հիվանդությունների զարգացման վրա: 11-ամյա հետազոտությունում ընդգրկվել են 50-79 տարեկան կանայք:
Պարզվել է, որ ամուր սոցիալական կապերի առկայությունը, ինչպես նաեւ ընկերների հետ շփվելու հնարավորությունը կանանց մոտ հետմենոպաուզայի շրջանում նվազեցնում են սրտանոթային հիվանդություններից մահվան վտանգը:
Հատկանշական է, որ հայտաբերված փոխադարձ կապը բնորոշ է այն կանանց, որոնք մինչ այդ սրտի խնդիրներ չեն ունեցել:
Ըստ գիտնականներրի՝ շփման դրական ազդեցությունը կապված է այն հանգամանքի հետ, որ այն կանանց օգնում է հաղթահարել սթրեսային իրավիճակների բացասական ազդեցությունը:
Հետևեք NEWS.am Medicine-ին Facebook-ում և Twitter-ում